රාත්‍රී කාලය යනු සමට විවේක ගැනීමට හා සම අලුත්වැඩියා කිරීමට අවස්ථාවක් ලැබෙන කාලයයි.රාත්‍රී කාලය තුළ සම විවේකීව තිබෙන අතර සම නැවත යථා තත්ත්වයට පත් කර සමේ සෛල පුනර්ජනනය කරන එකම අවස්ථාව මෙයයි. රාත්‍රියේදී අප නිදා සිටින විට සමේ පුනර්ජනනීය බලය වැඩි වේ. සම අලුත් කිරීම ප්‍රධාන වශයෙන් සිදු වන්නේ රාත්‍රී කාලයේදී වන බැවින් සමට දෛනිකව ඇතිවන ගැටලු සහගත තත්වයට පිළියම් ලෙස නයිට් ක්‍රීම් වර්ගයක් භාවිතා කිරීම ඉතා වැදගත් වේ.
හොඳ ප්‍රමිතියකින් යුත් නයිට් ක්‍රීම් තුළින් ඔබේ සම නැවත යථා තත්වයට පත් කළ හැකිය. ඉන් සමෙහි දීප්තිමත් භාවය වැඩිදියුණු වේ. රසායනික නොවන ස්වාභාවික අමුද්‍රව්‍ය වලින් සමන්විත බොහෝ නිෂ්පාදන ඔබේ මුහුණෙහි අඳුරු පැහැයට විසඳුම් ලබාදෙයි. ඒවා භාවිතා කරන්නේ නම් වෙනම මොයිස්චරයිසර් ක්‍රීම් ඔබට අවශ්‍ය නොවේ.
ඔබගේ නයිට් ක්‍රීම් එකෙන් ඔබට හොඳ ප්‍රතිඵල නොලැබුනේ නම්, ඔබ එය නිසි ආකාරයෙන් භාවිතා නොකිරීම නිසා විය හැකිය.
ඔබගේ රාත්‍රී ක්‍රීම් වලින් උපරිම ප්‍රතිලාභ ලබා ගැනීමට උපදෙස් 7 ක් මෙන්න:
01. ඔබේ සම සූදානම් කරන්න
රාත්‍රී ක්‍රීම් ආලේප කිරීමට පෙර ඔබේ සම සකස් කිරීම ඉතා වැදගත් වේ. පිරිසිදු පදනමක් මත වැඩ කරන්න. සෑම විටම රාත්‍රියේදී ඔබේ මුහුණ සෝදා මෘදු පිරිසිදුකාරකයක් භාවිතා කරන්න.
02. ටෝනර් යෙදීම.
ඔබේ මුහුණ සේදීමෙන් පසු ටෝනරයක් යොදන්න.තෙතමනය ඉතා වැදගත් වන අතර නිරෝගී හා දීප්තිමත් සම සඳහා පදනම එයයි. වඩා හොඳ ප්‍රතිඵල සඳහා ඔබට රෝස වතුර වැනි ස්වාභාවික ටෝනරයක් භාවිතා කළ හැකිය. නයිට් ක්‍රීම්, තෙත් මුහුණේ ආලේප කර රෝස වතුරෙන් ලැබෙන හයිඩ්‍රේටින් ප්‍රතිඵල ඔබට අත්විඳිය හැකිය.
03. නයිට් ක්‍රීම් භාවිතයේදී මුහුණට හොඳ උණුසුමක් ලබා දෙන්න.
මෙම තාක්ෂණය නයිට් ක්‍රීම් වඩාත් පහසුවෙන් සමට අවශෝෂණය කර ගැනීමට උපකාරි වනු ඇත. ඔබේ ඇඟිලි තුඩුවල ක්‍රීම් ස්වල්පයක් ගෙන එය හොදින් ආලේප කරන්න. වඩා හොඳ ප්‍රතිඵල ලබා ගැනීම සඳහා ඔබේ සම මෘදු ලෙස සම්බාහනය කරන්න.එහිදී ඔබේ සමට මද උණුසුමක් සහිත හැඟීමක් දැනේ.
04. තෙල් භාවිතයෙන් නයිට් ක්‍රීම් වල ක්‍රියාකාරීත්වය වැඩි කරගන්න.
තෙල් යනු සමේ සෞඛ්‍යය වැඩි දියුණු කිරීමට උපකාරී වන විකල්ප ප්‍රතිකාර ක්‍රමයකි. වියළි හා සංවේදී සමක් ඇති අය අලිගැට පේර තෙල්, ජොජෝබා තෙල් හෝ විටමින් ඊ තෙල් සහිත ක්‍රීම් ආලේප කිරීම වඩා උචිත වේ. තෙල් සහිත සමකට Tea tree Oil සහිත ආලේපනයක් වඩා වැදගත් වේ. ඔබගේ සම සියුම් රැළි සහිත ස්වභාවයක් ගනී නම් විටමින් සී අඩංගු සීරම් එකක් වඩා යෝග්‍ය වේ. ඔබේ නයිට් ක්‍රීම් වලට මේවා එකතු කර එහි ක්‍රියාකාරිත්වය වැඩි කරගැනීමට ඔබට හැකිය. ඔබේ සමෙහි පිග්මන්ටේෂන්, අඳුරු ලප හෝ කැළැල්,දුර්වර්ණතා(Dark Spot) වැනි තත්වයන් ඇත්නම් ඔබට වයිට්නින් සහිත නයිට් ක්‍රීම් එකක් භාවිතයෙන් සමේ දීප්තිමත්භාවය ඇතිකර ගත හැකිය. එවිට ඔබේ සමෙහි අඳුරු ප්‍රදේශවල අඳුරු පැහැය ක්‍රමයෙන් අඩු වී සමට ඒකාකාරී පැහැයක් ලබා දීමට හැකියාව ලැබේ.
05. කාලය පිළිබඳව සැළකිලිමත් වන්න.
ඔබ හැමවිටම ඔබේ සමට ක්‍රීම් අවශෝෂණය කර ගැනීමට ඉඩක් ලබා දිය යුතුය. එබැවින්, වඩාත් යහපත් ප්‍රතිඵල ලබාගැනීම සඳහා අවම වශයෙන් නින්දට යාමට විනාඩි 10 කට පෙර ඔබ නයිට් ක්‍රීම් ආලේප කරන්න.
06. නයිට් ක්‍රීම් ගෙල සඳහා ද භාවිතා කරන්න.
ඔබ මුහුණට යොදන සත්කාර ඔබේ ගෙලට ද අනිවාර්යයෙන්ම භාවිතා කළ යුතුය.මන්ද ඔබේ මුහුණ මෙන්ම ගෙල ද නිරන්තරයෙන් පිටතට නිරාවරණය වීම සහ ඔබේ ගෙල මගින් ඔබේ සැබෑ වයස නිරෑපනය විය හැකි බැවිනි. එහි ඔබ භාවිතා කරන සම ආරක්ෂණ නිෂ්පාදන(Skin care products) සියල්ලම භාවිතා කිරීමෙන් ගෙල ප්‍රදේශයට ද වඩාත් ආකර්ශණීය පෙනුමක් ලබාදිය හැකිය. එනිසා නයිට් ක්‍රීම් මුහුණෙහි මෙන්ම ගෙලෙහි ද හොඳින් ආලේප කර සම්බාහනය කළ යුතුය.
රාත්‍රී ක්‍රීම් ආලේප කිරීම සඳහා නිවැරදි ක්‍රමය වන්නේ ක්‍රීම් මෘදු ලෙස සම්බාහනය කිරීමයි. ඔබේ මුහුණ සහ බෙල්ල හරහා ක්‍රීම් විහිදුවා ඉහළට හා රවුම් චලනයන් මෘදු ලෙස සම්බාහනය කරන්න.
07. සැහැල්ලු හා සුවඳ රහිත ක්‍රීම් භාවිතා කරන්න.
නයිට් ක්‍රීම් මඟින් ඔබේ සමේ සිදුරු අවහිර කළ හැකිය. එබැවින්, ඔබ භාවිතා කරන ක්‍රීම් සැහැල්ලු හා සුවඳින් තොර බවට වග බලා ගන්න.
