Night cream වර්ග සිය ගණනක් වෙළඳපොලේ මේ වනවිට දක්නට ලැබේ. ඔබ Night cream එකක් තෝරා ගැනීමේදී සැලකිල්ලට ගතයුතු කරුණු කිහිපයක් නම්:
1. ඔබේ වයස.
2. ඔබේ සමේ අවශ්‍යතාව.
3. මිල (සාමාන්‍යයෙන් Night cream, Day cream එකකට වඩා මිල අධිකය.)
4. අන්තර්ගතය.
5. ඔබේ සම වර්ගය.
ඔබට තෙල් සහිත සමක් තිබේ නම්, තෙල් රහිත නයිට් ක්‍රීම් වර්ගයක් තෝරා ගන්න. එහි ඇල්ෆා හයිඩ්‍රොක්සි අම්ල හෝ බීටා හයිඩ්‍රොක්සයිල් අම්ල අඩංගු දැයි ඔබට පරීක්ෂා කළ හැකිය.ඔබේ සම වියළි නම්, ඔබට මොයිස්චරයිසර් අඩංගු නයිට් ක්‍රීම් වර්ගයක් භාවිතා කළහැකිය.
ඔබ විසි වන වියෙහි පසුවන විට ඔබ භාවිතා කරන නයිට් ක්‍රීම් වල කෝමාරිකා, මී පැණි සහ සඳුන් තෙල් වැනි ස්වභාවික අමුද්‍රව්‍ය අඩංගු විය යුතුය. ඔබේ වයස අවුරුදු තිස් ගණන් වන විට ප්‍රති ඔක්සිකාරක වලින් පොහොසත් කොලජන්, ඇමයිනෝ අම්ල, සෙරමිඩ් සහ රෙටිනෝල් වැනි ක්‍රියාකාරී අමුද්‍රව්‍ය සහිත නයිට් ක්‍රිම් භාවිතා කිරීම වඩා වැදගත් වේ.ඔබ හතළිස්වන වියෙහි පසුවන විට ඔබ පෙප්ටයිඩ, රෙටිනෝල්, ලිපිඩ පැන්තෙනෝල්, කොලජන්, සෝයා සාරය සහ විටමින් E වැනි අන්තර්ගතයන් සහිත නයිට් ක්‍රීම් සඳහා යොමුවීම වැදගත් වේ. මන්ද සම සුදුමැලි වීම,වියපත් වීම, යන ගැටලු සමඟ සටන් කිරීමට එයට හැකි විය යුතුය.
ඔබේ වයස පනස් ගණන් සහ හැට ගණන්වලදී,රැළි වැටුණ,මළානික වූ,අධික වියළි වූ සම සඳහා ගැලපෙන පරිදි සකස් කර ඇති රාත්‍රී පෝෂණ අතිරේක සහිත නයිට් ක්‍රීම් ඔබ භාවිතයට ගැනීම වැදගත්ය.
